Азия ойындарындағы сәтсіздіктің себебі көп - Сана Анарқұлова

Сурет Қазақстан ҰОК баспасөз қызметі

Биыл жазғы Азия ойындарында волейболшы қыздар біз күткен нәтиже көрсете алған жоқ. Құрама үздіктері тегіс жиналғанына қарамастан, волейболшылар Джакартада тамаша өнер көрсетті деуге келмейді. Команда көшбасшыларының бірі Сана Анарқұлова жеңілістің себебін түсіндірді, - деп хабарлайәды Olympic.kz.

"Азия ойындарында өзіміз күткендей нәтиже көрсеттік. Себебі, құрамадағы көптеген ойыншылар жарақат алып қалды. Оның үстіне, Азиадада алғашқы төрттікке ең мықты командалар енген. Оларға біздің күшіміз жетпейтін еді. Сондықтан, Джакартадағы көрсеткішті осылай түсіндіргім келеді», - дейді Сана.

Бүгінде Сана Анарқұлова ұлттық құрама сапында Жапониядағы әлем чемпионатына аттанды. Волейболшылар Нара префектурасындағы Кашихара қаласында жаттығуда.

"Мұнда біздің жаттығуымызға толық жағдай жасалған. Жапондықтар да қазақтар секілді қонақжай. Алаңсыз дайындалудамыз. Бүгін ойын өтетін қалаға ауысамыз. Ал қарсыластарға келер болсақ... Барлығы да өте мықты ұжымдар. Әлемнің үздік 24 командасы жиналды. Сондықтан, бізді аса тартысты матчтар күтіп тұр. Жақсы ойын көрсетуге тырысамыз", - деді Сана Анарқұлова.

Әлеуметтік желілерде бөлісу