Қазақстандық спортшылар мергендер сайысында жүлделі орынға ие болды

Біріккен Араб Әмірліктерінің Эль-Айн қаласында нысана көздеу және стенд ату спортынан әйелдер арасындағы ірі халықаралық турнир өтіп, қазақстандықтар екі медаль жеңіп алды - деп хабарлайды Olympic.kz.

Желтоқсанның 4-12 аралығында өткен халықаралық турнирге әлемнің 22 мемлекетінен 115 спортшы қатысты.

Стенд атудан қазақстандық мергендер жүлделі екі орын жеңіп алды. Атап айтар болсақ, "скит" бойынша Рината Насырова күміс, Зоя Кравченко қола жүлдегер атанды. Ал "трап" бағдарламасы бойынша Мария Дмитриенко 4-ші, Сәрсенкүл Рысбекова 5-ші орында.

Нысана көздеуден Қазақстан атынан алты мерген қатысып, ең жоғарғы нәтижені Елизавета Король тіркеді. Шымкенттік спортшы винтовкамен нысана көздеуде финалға өтіп, 4-ші сатыға тұрақтады.

Нысана көздеуден өзге спортшыларымыздың көрсеткіштері төмендегідей:

1. Малиновская Александра - 5 орын (винтовка)

2. Старостина Виолетта - 8 орын (винтовка)

3. Комендра Юлия - 10 орын (тапанша)

4. Аксенова Ольга - 11 орын (тапанша)

5. Локтионова Ирина - 12 орын (тапанша)