Қазақстандық Елена Рыбакина әлемнің 1-ракеткасы польшалық Ига Швентекті ұтып, спорттық мансабында алғаш рет Australian Open турнирінің ширек финалына шықты, деп хабарлайды Massaget.kz.
23 жастағы қазақстандық әлем рейтингісінің 21 жастағы көшбасшысын бір жарым сағатта 6:4, 6:4 есебімен жеңді.
Матчта Елена 6 эйс жасап, 6 брейк-пойнттың төртеуін мүлт жіберген жоқ. Қарсыласы 2 эйс, 2 брейкпен көзге түсті.
Турнирдің жартылай финалына шығу үшін қазақстандық Рыбакина латвиялық Елена Остапенкомен ойнайды.
Матч 24 қаңтарға жоспарланған.