Дияс пен Кукушкин Australian Open турнирінің бірінші айналымында жеңіліп қалды

Зарина Дияс. Сурет: Eurosport

Қазақстандық теннисшілері Зарина Дияс пен Михаил Кукушкин бұл күндері Мельбурнде өтіп жатқан теннистен Австарлия ашық біріншілігі - Australian Open турнирінің бірінші айналымынан өте алмады, деп хабарлайды Vesti.kz порталы.

Ерлер арасындағы әлемдік рейтингте 74-орында тұрған Кукушкин бірінші айналымда 61-орында тұрған неміс теннисшісі Петер Гойовчиктен жеңіліп қалды. Есеп - 6:3, 6:3, 6:1. Кездесу бір сағат 44 минутқа жалғасты.

Ал Зария Дияс (66) болса бірінші айналымда румын қызы Сорана Кырстямен (37) кездесіп, қарсыласына есе жіберді. Бұл ойынның бірінші сетінде отандасымыз 7:5 есебімен жеңіске жеткен еді. Бірақ қалған екі сетте 6:4, 6:3 есебімен жеңіліп қалды. Ойын 2 сағат 18 минутқа жалғасты.

Бүгін, 16 қаңтар күні Australian Open турнирінде тағы бір отандасымыз, Юлия Путинцева өз ойынын өткізеді. Әлемдік рейтингте 52-орында келе жатқан қазақстандық теннисші америкалық Хизер Уотсонмен (73) кездеседі. Матч Астана уақытымен 14:30-да басталады.

Әлеуметтік желілерде бөлісу