Ешқашан Ресейге қайтып оралмаймын, себебі кезінде ол жақта мені керек қылмады - теннисші Бублик

19 жастағы теннисші Александр Бублик, Ресей тумасы, биылдан бастап неліктен Қазақстанның атынан шығатынын түсіндіріп берді, - деп хабарлайды "Спорт День за Днем".

Оның айтуынша, ол енді өз елінің атынан шықпайды, және Қазақстан теннис федерациясының көмегінсіз жақсы көрсеткіштерге жете алмасын да жасырмады.

- Қандай өкінішті болмаса да, Ресейде ешкімнің де менде ісі болмады, - дейді теннисші. - Енді адамдар Бублик үшін алаңдап жүр. Олар менің спорт мансабымның сәтті болуын қалап отыр. 

  - Сіз "адамдар" деген кезде кімдерді меңзедіңіз? Бұлар кімдер, шенеуніктер, жанкүйерлер, Қазақстанның қарапайым тұрғындары?

- Тенниспен айналысатын адамдар. Қазақстанның теннис федерациясы. Олар мен үшін шын мәнінде алаңдаулы. Менің жақсы ойын көрсетуім үшін олар маған көмектесіп, жұмыс істеп, жағдай жасап беріп жатыр. Ресейде бұл мүмкін емес еді. Астанада керемет теннис орталығы салынған. Оны сөзбен айтып жеткізу мүмкін емес. Ол шын мәнінде керемет салынған.

- Сіз сонда тұрасыз ба?

- Жоқ. Не үшін? Мен осында тұрамын (Ресей - авт. сөзі), Майами мен Монакода жаттығамын. Қазақстанға Дэвис Кубогының жарысына ұшып барамын (7-9 сәуірде Қазақстан құрамасы Астанада Қытай командасымен ойнайды). Соған қатысамын. Жігіттермен бірге ойнап, өзімді команданың мүшесі екенімді сезінуім қажет. Бірақ ойнамаймын. ITF ережесі бойынша мен тек екі жылдан соң ғана басқа елдің атынан өнер көрсете аламын.

- Сіз Дэвис Кубогында Қазақстанның атынан ойнағыңыз келеді ме?

- Иә! Қуана! Мен Қазақстанды құрметтеймін. Менің туған елім болмаса да маған қалай көмек көрсетіп жатқанына байланысты мен бұл елді қатты жақсы көремін. Қазақстанның көмегінсіз мен қазіргі жетістіктерге жете алмас едім. Маусым алдындағы дайындыққа қатыса алмас едім, ал мен бұл жаттығуды Майамиде өткіздім. Менімен бірге фитнес-бапкер барды, ал әкем болса барлық жарыстарда менімен бірге болды. Мен мұндай жетістіктерге бірден жетпес едім. Алғысым шексіз. Дэвис Кубогында Қазақстанның атынан шығуды асыға күтіп жүрмін.

- Ресейлік шенеуніктер сіздің қойған шарттарыңызға көнуге даяр екенін айтты ма?

- Бұл принціптік жағдай. Біз барлығымыз білеміз ғой қандай шарттар жасалғанын. Егер мен Қазақстанның атынан шығуға келісімімді берсем, Ресей құрамасына қайтып бармаймын деген сөз. Мен қайтып оралмаймын.