Сауль "Канело" Альварес жаттығуға кірісті

Екі салмақ бойынша әлемнің бұрынғы чемпионы Сауль "Канело" Альварес (49-1-2, 34 КО) жаттығуға кірісті. Бұл туралы ESPN Deportes порталына мексикалық боксшының командасының өкілі Хосе Рейносо айтты.

"Канело" жаттығуға кірісті. Қазір ол жеңіл жаттығу жасап жатыр", - дейді Рейносо. Оның айтуынша, мексикалық боксшы Калифорния штатындағы Сан-Диегодағы жаттығу лагерінде болады екен.

Қараша айында "Канелоның" орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкинмен (37-0-1, 33 КО) өткізген кездесуінен кейін қолына ота жасатылғаны белгілі болған еді. Содан бері ол емделіп келген.

Бұған дейін Fox Deportes порталы Головкин мен "Канелоның" командасы екінші кездесудің уақыты туралы келісімге келгенін жазды. Порталдың мәліметі бойынша, кедесу 5 мамыр күні Синко де Майо мерекесінде өтеді.

Бірақ жекпе-жектің қай жерде өтетіні әлі белгісіз. Кездесуді қабылдағы Нью-Йорктегі Madison Square Garden және Лас-Вегастағы T-Mobile спорт кешені қабылдауға дайын екен.

Еске салайық, Головкин мен "Канело" арасындағы жекпе-жек 16 қыркүйек күні Лас-Вегаста өтіп, тең аяқталды. Осылайша қазақстандық боксшы өзіне тиесілі белбеулерін сақтап қалды.

Әлеуметтік желілерде бөлісу