Оскар Де Ла Хойя келесі жылы көпшілік күткен жекпе-жекті ұйымдастыруға уәде берді

Оскар Де Ла Хойя. Сурет: UPI.com

Алты салмақ бойынша әлемнің бұрынғы чемпионы, қазіргі уақытта Golden Boy Promotions промоутерлік компаниясының басшысы Оскар Де Ла Хойя келесі жылы көпшілік күткен жекпе-жекті ұйымдастыруға уәде берді.

"Мүмкіндікті пайдаланып боксты және Golden Boy Promotions компаниясын қолдап жүрген жанкүйерлерге алғыс айтқым келеді. 2018 жылы бізді тағы керемет жекпе-жектер күтіп тұр. Мен сіздер күтіп жүрген кездесуді ұйымдастыруға уәде беремін", - деп жазды твиттер парақшасында Де Ла Хойя.

Дегенмен де промоутер нақты қай кездесуді ұйымдастыратынын айтқан жоқ. Бірақ Golden Boy Promotions компаниясымен байланысты келесі жылы көпшілік асыға күтіп жүрген жекпе-жек - мексикалық Сауль "Канело" Альварес (49-1-2, 34 КО) пен орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин арасындағы кездесу екені белгілі.

Айта кетейік, Головкин мен "Канело" арасындаңы бірінші кездесу 16 қыркүйек күні Лас-Вегаста өтті. 12 раундтың қорытындысы бойынша жекпе-жек тең аяқталды. Ал олардың екінші кездесуі 5 мамырда өтуі мүмкін. Қазір боксшылардың командалары келіссөз жүргізіп жатыр.

Let me take this opportunity to thank all the fans who support boxing and @GoldenBoyBoxing . 2018 will once again bring you the best fights that can possibly be made including “the one” Thnk you.
— Oscar De La Hoya (@OscarDeLaHoya) 26 декабря 2017 г.