НВО арнасы Головкиннің дайындығынан жаңа суреттер жариялады

НВО арнасы өзінің твиттер парақшасында орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкиннің (37-0. 33 КО) мексикалық Сауль "Канело" Альвареске (49-1-1, 34 КО) қарсы өтетін кездесуге дайындық барысынан жаңа суреттер жариялады.

Головкин алдағы кездесуіне әдеттегідей Калифорния қаласындағы Big Bear жаттығу лагерінде өткізіп жатыр. Онымен бірге жеңіл салмақта өнер көрсететін қазақстандық Руслан Мәдиев пен ресейлік Мурат Гассиев жаттығуда. Бұл боксшылар да Абель Санчестің қол астында жаттығып жүр.

Бұған дейін НВО арнасы алдағы жекпе-жекке арнап екі бөлімнен тұратын "Головкин - "Канело": 24/7 деген бағдарлама түсіретінін айтты. Жобада боксшылардың рингтен тыс өмірі, дайындығы көрсетіледі. Бірінші бөлім 26 тамыз күні, ал екінші бөлім 9 қыркүйек күні шығады.

Еске салайық, Геннадий Головкин мен мексикалық Сауль "Канело" Альварес арасындағы кездесу 16 қыркүйек күні Лас-Вегас қаласындағы T-Mobile спорт кешенінде өтеді. Қазірдің өзінде бұл бокс кешінің билеттері сатылып кеткен. АҚШ жерінде жекпе-жекті НВО арнасы ақылы жүйе бойынша көрсетеді.