Ілияс Сүлейменов Президент кубогының жартылай финалына шықты

2011 жылғы Азия ойындарының чемпионы Ілияс Сүлейменов (56 келі) елордада өтіп жатқан Президент кубогының жартылай финалына шықты, деп жазады Vesti.kz порталы.

Ширек финалда отандасымыз моңғол боксшысы Тумурхуюгпен кездесіп, төрешілердің шешімімен жеңіске жетті.

Бүгін сондай-ақ 49 келіде жартылай финалдық кездесулер өтті. Бірінші жартылай финалда екі бірдей қазақстандық боксшылар: Шалқар Айқынбай мен Асхат Жүсіпов кездесіп, 20 жастағы Жүсіпов жеңіске жетті. Ол енді турнирдің финалында филиппиндік боксшы Алекс Карлоспен кездеседі.

52 келі салмақтағы Ұлттық құраманың боксшысы Азамат Исақұлов та өз кездесуін өткізіп, қырғыз боксшысы Жәнібек Мұсаевтан жеңіліп қалды.

Бұған дейін турнирдің жартылай финалына Василий Левит (91 келі), Әбілхан Аманқұл (75 келі) және Садриддин Ахмедов (69 келі) шыққан болатын. Ал қыздар арасында Назым Қызайбай мен Жайна Шекербекова (51 кел) турнирдің жартылай финалына өтті.

Еске салайық, Прездиент кубогы осымен бесінші рет өтіп жатыр. Дода 13 салмақ бойынша (10 ерлер, 3 қыздар) арасында өтіп жатыр. Финалдық кездесулер 10 маусымға белгіленген.

Әлеуметтік желілерде бөлісу