Холифилд Головкинге жоғары салмаққа ауысуға кеңес берді

©:aif.ru

Бірінші ауыр және аса ауыр салмақта әлемнің бұрынғы чемпионы Эвандер Холифилд (44-10-2, 29 КО) орта салмақтағы салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкинге (37-0-1, 33 КО) жоғары салмаққа ауысу туралы кеңес берді.

"Мен бірінші ауыр салмақта өнер көрсетіп жүргенімде бір жекпе-жек үшін 200 мың доллар алатын едім. Ал Майк Тайсон болса аса ауыр салмақтағы кездесулері үшін 2 миллион доллар алатын еді. Сондықтан да мен салмағымды көтеру туралы шешімге келдім. Дәл осындай қадамға Головкин де баруы керек. Сол кезде ол мықты қарсыластармен кездесіп, көп ақша таба алады", - дейді Холифилд FightHub TV арнасына берген сұқбатын.

Еске салайық, қазіргі уақытта Геннадий Головкин орта салмақта өнер көрсететі. Отандасымыз өзінің соңғы кездесуін 16 қыркүйек күні Лас-Вегаста "Канелоға" қарсы өткізіп, жекпе-жек тең аяқталған еді.

Келесі кездесуін қазақстандық боксшы тағы "Канелоға" қарсы өткізуі мүмкін. Қазір екі боксшының командалары келіссөздер жүргізіп жатыр. Екінші кездесу 2018 жылдың 5 мамырында өтуі ықтимал.

Әлеуметтік желілерде бөлісу