Головкинді Қазақстанда қаһарман батырдай қарсы алды - промоутер

Америкалық промоутер Том Леффлер Қазақстанда Геннадий Головкинді қалай қарсы алғанына таңданып қалды.

Геннадий Головкин 7 маусымда туып өскен Қарағанды қаласында өзінің аты берілген спорт кешенінің ашылу салтанатына қатысты. Майқұдық ықшамауданындағы жаңа үш қабатты ғимаратта 25 метрлік бассейн, ауыр атлетика залы, көреремендерге арналған орынмен жабдықталған заманауи ойын және бокс залы бар. Мұнда балалрдың жаттығулары тегін өтетін болады.

"Геннадий Головкинді Қазақстанда тап бір қаһарман ретінде қарсы алды, ал жаңа кешенді ұлттық қаһармандарының атымен атады", - деп жазған Леффлер өзінің твиттердегі парақшасында.

.@GGGBoxing receives a Hero's welcome in Kazakhstan, new Sports Complex named after him #NationalHero #WorldWide https://t.co/eQc65tpqTM
— Tom Loeffler (@TomLoeffler1) 7 июня 2017 г.

Спорт кешенінің құрылысы 2014 жылы басталып, толық бітуіне қалалық бюджеттен 874 миллион теңге жұмсалған.

Қазақстанға сапары барысында Головкин елшісі болып келетін Астанадағы EXPO-2017 көрмесіне қатысады. Ал шілденің ортасында боксшы АҚШ-тың Калифорния штатындағы Биг Беар базасында жаттығу жиынына кіріседі. Ал 16 қыркүйекте Геннадий Головкин мексикалық Сауль "Канело" Альвареспен жұдырықтасады.

Әлеуметтік желілерде бөлісу