Головкинді жеңетін боксшы жоқ - Проводников

©AKBoxing.ru

Бірінші орта салмақтағы бұрынғы әлем чемпионы ресейлік Руслан Проводников 16 қыркүйекте өтетін қазақстандық Геннадий Головкин және мексикалық Сауль "Канело" Альварес арасындағы жекпе-жекке қатысты өз ойын айтты, - деп хабарлайды Allboxing.ru.

"Бұл қызықты және бокс әлеміне керек жекпе-жек сияқты. Әлемдік жұлдыз "Канело" және менің ойымша, қазіргі кезде ең мықты боксшының жекпе-жегі. Болжам - бұл қажетсіз дүние, мен ондайға қарсымын, оның үстіне бұл боксқа қатысты болса. Дегенмен Гена мексикалықтан барлық жағынан басым сияқты. Мүмкін жылдамдық жағынан кем болар. Жекпе-жектің қорытындысы "Канелоның" қаншалықты мықты, Генаның шабуылдарына қаншалықты төтеп бере алатынына байланысты. Өйткені ол соққылардан жақсы қорғана алмайды. Дегенмен ештеңеге таңдануға болмайды. Өзімнің тәжірибемде бар - мықты деген жігіттер менен бір-екі соққы алғаннан кейін ақсақтап қалады. Мен әрдайым айтатынынм - жекпе-жек бәрін көрсетеді, дегенмен, мен Генаға сенемін! Барлығына сәттілік!", - дейді Проводников.

Головкин мен Альварес арасындағы кездесу 16 қыркүйек күні Лас-Вегастағы T-Mobile спорт кешенінде өтеді. Қазірдің өзінде бұл бокс кешінің билеттері сатылып кеткен. АҚШ жерінде жекпе-жекті НВО арнасы ақылы жүйе бойынша көрсетеді.

Әлеуметтік желілерде бөлісу