Головкин "Канеломен" үшінші кездесу туралы сұраққа жауап берді
Орта салмақта IBF және IBO белбеулерінің иегері қазақстандық Геннадий Головкин (41-1-1, 36 КО) El Nuevo Herald басылымына берген сұқбатында мексикалық Сауль "Канело" Альвареспен (57-1-2, 39 КО) үшінші кездесу туралы сауалға жауап берді, деп жазады Vesti.kz тілшісі.
- "Канеломен" үшінші кездесу өтуі мүмкін бе?
- Бәрі мүмкін. Егер үшінші кездесуге келіссек, қызықты айқас болатын еді. Үшінші айқас алғашқы екі кездесуден де қызық болады. Өйткені біз бір-бірімізді өте жақсы зерттеп алдық. Қалай жұдырықтасу керектігін білеміз. Не боларын көрейік. Мен мұндай мүмкіндікке дайынмын.
Еске салайық, Головкин мен Альварес осыған дейін екі рет кездескен. 2017 жылы өткен жекпе-жек тең болса, бір жылдан кейін "Канело" жеңіске жетті.
Головкиннің келесі кездесуі 29 желтоқсанға белгіленген. Бұл күні отандасымыз орта салмақта WBA (Super) белбеуінің иегері Риота Муратамен жолығады.
Загрузка матч-центра...
Жарнама