Головкин "Канело" жеңді деген комментаторларды сынап тастады

©:boxingscene.com

Орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) мексикалық Сауль "Канело" Альвареспен (49-1-2, 34 КО) өткен бірінші кездесудің шешімі әділ болмады дейді.

"Мен үнемі шындық үшін күресемін. Бірақ біздің бірінші кездесуде шындық болмады. Төрешілердің мұндай жұмысы боксқа кедергі келтіреді", - деп келтіреді Головкиннің сөзін Boxingscene.com порталы.

Сондай-ақ қазақстандық боксшы жеңіскеті Альвареске берген НВО арнасының комментаторлары Джим Лэмпли, Рой Джонс және Макс Келлерманды сынап тастады.

"Мен рингте көрген дүние мен комментаторлардың айтқаны сәйкес нәрсе емес. Бұл үшін шамалы көңіл-күйім түсіп кетті. Комментаторлар өз ойын айтуға мүмкіндігі бар. Бұл мен үшін қиын нәрсе емес. Бірақ бұл спорт үшін дұрыс емес нәрсе. Менің ойымша, мен жеңдім. Мұны статистика да көрсетіп тұр. Сонымен қатар НВО маманы да мен жеңді деп есептейді. Бұл шешіммен жанкүйерлер де келісті. Рингтен кеткенде мені ешкім мазақ етпеді", - дейді Головкин.

Еске салайық, Головкин мен "Канело" арасындағы екінші кездесу 5-наурыз күні Лас-Вегастағы T-Mobile спорт кешенінде өтеді.

Әлеуметтік желілерде бөлісу