Қазақстандық кәсіпқой боксшы Виктор Коточигов (12-0, 5 КО) жекпе-жегінің алдында салмақ өлшеуден сәтті өтті,- деп хабарлайды
Vesti.kz тілшісі.
Ертең, 9 қазан күні Дубай қаласында отандасымыз Rotunda Rumble IV шоуында шаршы алаңға шығады. Оның қарсыласы британдық Макси Хьюз (21-5-2, 4 КО) болады.
Бұл кездесуде қазақстандық боксшыға тиесілі жеңіл салмақтағы WBC International белбеуі сарапқа салынады.
"Ертең соғыс болады", - деп жазба қалдырды боксшы Instagram парақшасында салмақ өлшеу рәсімінен видео салып.
Еске салайық, Коточигов өзінің соңғы кездесуін тамыз айында өткізіп, беларусь боксшысы Андрей Исаевты нокаутпен жеңді.