Елеусіновтің кәсіпқой бокстағы бірінші жекпе-жегі Қытайда өтеді

©Tengrinews.kz

Олимпиада ойындарының чемпионы Данияр Елеусінов кәсіпқой бокстағы бірінші жекпе-жегін Қытайда өткізеді. Бұл туралы Fighnews.com порталына берген сұқбатында MJA Entertainment's промоутерлік компаниясының басшысы Майк Алтамура айтты.

Данияр Елеусіновтің бірінші кездесуі шамамен мамыр айында болуы мүмкін. Жекпе-жек Қытай астанасы Бейжіңде өтеді. Оған дейін боксшымыз ақпан айында промоутерлік компаниясымен ресми келсім-шарт жасауы керек.

"Біздің жоспарымыз бойынша, Елеусінов екінші не үшінші кездесуінде құрлықтық чемпиондық белбеу үшін жекпе-жек өткізу керек. Ал, екі жылдан кейін ол әлем чемпионы атанады. Мұндай талантты жігіттерде көбірек қолдау білдіру қажет. Даниярдың промоутері ретінде мен барлық жағдайды жасаймын. 18 айдың ішінде ол кәсіпқой бокста толық бой үйретеді. 2 жылдан кейін әлем чемпионы атағы үшін жекпе-жекке дайындаймыз", - дейді Алтамура.

25 жастағы отандасымыз 2016 жылы Риода өткен Олимпиада ойындарының чемпионы атанған болатын. Бразилия жерінде ол 69 келі салмақта сынға түсті. Бірақ, кәсіпқой бокста ол 66 келіде бағын сынауды жөн көріпті. Данияр Елеусінов кәсіпқой бокстағы жекпе-жектеріне АҚШ-тың Флорида қаласында дайындалады. Оның бас бапкері әкесі Марат Елеусінов болып қала бермек. Бірақ, Даниярдың дайындығын америкалық мамандар да бақылап отырады.

Подробнее: http://vesti.kz/profi/230890/
Любое использование материалов сайта допускается только при наличии активной ссылки на Vesti.kz