Джейкобстың менеджері Сондерс, "Канело" және Головкиннің қатысуымен турнир ұйымдастыруды ұсынды

Дэниэл Джейкобс. Сурет: boxingscene.com

Орта салмақта өнер көрсететін америкалық боксшы Дэниэл Джейкобс (33-2, 29 KO) шаршы алаңға 2018 жылдың сәуір айында оралмақшы. Бұл туралы BoxingScene.com порталына боксшының менеджері Кит Коннолли айтып берді.

Оның қарсыласы орта салмақтағы WBO белбеуінің иегері британдық боксшы Билли Джо Сондерс (26-0, 12 КО) болуы мүмкін. Ол өз кезегінде 16 желтоқсан күні Канадада IBF тұжырымы бойынша әлемнің бұрынғы чемпионы Давида Лемьені (38-4, 33 KO) жеңген еді.

"Біз қазір Джейкобстың келесі қарсыласы ретінде Сондресті қарастырып отырмыз. Ал Головкин мен Альварес 5 мамырда кездесетін шығар. Сол үшін де Сондерспен кездесу біз үшін тиімді болады. Бұл Дэнни үшін Нью-Йоркта үлкен кездесулердің бірі болмақ.

Головкин мен "Канело" арасындағы кездесудің жеңімпазымен кездеспестен бұрын, Сондреске алдымен Дэнниді өтуі керек. Менің ойымша, орта салмақта шағын турнир өткізуге болады. Бір кездесуде Головкин мен Альварес кездессе, екінші кездесуде Джейкобс пен Сондерс кездеседі. Жеңімпаздар кейін өзара кездесіп, дивизионның мықтысын анықтайтын еді", - дейді Конноли.

Еске салайық, Джейкобс Головкинмен наурыз айында Нью-Йоркта кездесіп, 12 раундтың қорытындысы бойынша жеңіліп қалды.

Әлеуметтік желілерде бөлісу