Деонтей Уайлдер Кличкоға бокстан кетуге кеңес берді

Ауыр салмақ дәрежесі бойынша WBC чемпионы Деонтей Уайлдер Энтони Джошуамен жекпе-жектен кейін Валдимир Кличкоға спорттан кету керек деген пікірде, - деп хабарлайды sovsport.ru.

"Кличкоға отырып, ойланып, болғанды бағамдауға уақыт керек сияқты. Өзіне Джошуамен қарымта кездесуді қалаймын ба деген сұрақ қою керек. Оның оң түстары мен кері жағын салмақтау қажет. Ол өзіне мынаны айту керек: Мен 41 жастамын, 18 ай үзілісте болдым, маған осы жекпе-жек керек болғанымен, нокаутпен ұтылдым. Ыңғайлы сәтті пайдалана алмадым.

Алтыншы раундта Джошуаны жеңетін сәтті қолдан жіберіп алғанда, Кличкоға спорттан кету керек екенін түсіндім. Егер Валдимрді бұрынғысынша Эммануэль Стюарт жаттықтырса, басқаша болар еді.

Мен Кличконы спорттан кетуге шақырамын. Владимир артыңдағы мұраны шашыратып алма. Сен Даңқ залына кіресің, сол сәтті өткізіп алмағаның жөн. Чемпиондардың көбі абыройынан айырылды, менің соған жаным ашиды. Осындай деңгейдегі боксшылар жұдырықтасуын жалғастырып, нокаутқа сұлап жатқанын көру ауыр", - дейді Уайлдер Boxingtalk басылымына берген сұхбатында.

Еске салайық, өткен сенбіде Лондондағы "Уэмбли" стадионында британиялық Энтони Джошуа 11 раундта Владимир Кличконы нокаутқа түсірген болатын. Қазір Джошуа IBF және WBA белбеулеріне ие.

Әлеуметтік желілерде бөлісу