Де Ла Хойя АҚШ президенті Трампты Головкин мен "Канело" жекпе-жегіне шақырды

Дональд Трамп. Сурет: boxingscene.com

Golden Boy Promotions промоутерлік компаниясының негізін қалауышы Оскар Де Ла Хойя АҚШ президенті Дональд Трампты мексикалық боксшы Сауль "Канело" Альварес (49-1-2, 34 КО) орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин (37-0-1, 33 КО) арасында өтетін екінші кездесуді тамашалауға шақырды.

Головкин мен "Канело" арасындағы екінші кездесу 5-наурыз күні Лас-Вегастағы T-Mobile спорт кешенінде өтеді.

"Менде Дональд Трамп үшін дүрбі табылады. Өйткені, мен оны рингсайдта отырғызбаймын. Мен оны мексикалық және қазақстандық жанкүйерлердің арасына отырғызамын. Трамп, жекпе-жек келесің бе? Келсең тамаша болар еді", - деді Де Ла Хойя TMZ порталына берген сұқбатында.

Промоутер АҚШ президенті Мексикамен арадағы қарым-қатынасын нашар болуына байланысты Трамп Головкинге жанкүйер болады деп есептейді. "Трамп мексикалықтарға жанкүйер болады деп ойламаймын. Ол көбірек еуропалықтарды қолдайды. Бірақ ол жекпе-жекке келіп, бізді, мексикалықтарды қолдасын", - дейді Де Ла Хойя.

Айта кетейік, Трамп бокс жанкүйері. Ол 2015 жылы Головкиннің Давид Лемьеге қарсы кездесуінің алдында, киім ауыстыратын бөлмеге кіріп, отандасымызға сәттілік тілеген еді. Содан соң миллиардер алдыңғы қатарлардың бірінен жекпе-жекті тамашалады.

Әлеуметтік желілерде бөлісу