Бүкіл әлемге танымал спорт жұлдызы болғаным келеді - Елеусінов
Олимпиада ойындарының чемпионы Данияр Елеусінов Fighnews.com порталына берген сұқбатында кәсіпқой бокстағы жоспарлары туралы айтып берді.
25-жастағы отандасымыз ақпан айында MJA Entertainment's промоутерлік компаниясымен келісім-шарт жасайды. Ал, кәсіпқой бокстағы бірінші кездесуін Елеусінов мамыр айында өткізуі мүмкін.
"Кәсіпқой боксқа ауысқаныма қуаныштымын. Мен тек Қытайда ғана емес, бүкіл әлемге танымал спорт жұлдызы болғаным келеді. Кәсіпқой боксқа ауысу - менің карьерамдағы үлкен қадамдардың бірі. Мен боксты сүйемін. Кәсіпқой бокста да әлем чемпионы атанып, өз ізімді қалдырғым келеді. Шаршы алаңдағы өз стильімді контрпанчердің стильі деп айта аламын" - дейді Елеусінов.
Басылымда жарық көрген материалда Қазақстанның бокс федерациясы бұдан әрі де Даниярдың биік белестерді бағындыру үшін бұдан кейін де қолдау білдіретіні айтылған.
"Қазақстан бокс федерациясы мені қолдағаны үшін қуаныштымын. Олар мені әрі қарай да қолдай береді деп ойлаймын", - дейді Олимпиада ойындарының чемпионы.
25 жастағы отандасымыз 2016 жылы Риода өткен Олимпиада ойындарының чемпионы атанған болатын. Бразилия жерінде ол 69 келі салмақта сынға түсті. Бірақ, кәсіпқой бокста ол 66 келіде бағын сынауды жөн көріпті. Данияр Елеусінов кәсіпқой бокстағы жекпе-жектеріне АҚШ-тың Флорида қаласында дайындалады. Оның бас бапкері әкесі Марат Елеусінов болып қала бермек. Бірақ, Даниярдың дайындығын америкалық мамандар да бақылап отырады.
Загрузка матч-центра...
Жарнама