Бокс шолушысы "Канелоға" Головкинді қалай жеңу керектігін айтып берді

©: SI.com

Boxingnews24.com порталының шолушысы Шон Джонс өзінің мақаласында мексикалық боксшы Сауль "Канело" Альвареске (49-1-2, 34 КО) орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкинмен (37-0-1, 33 КО) өтетін екінші кездесуде қалай жұдырықтасу керектігі туралы кеңесін берді.

Головкин мен "Канело" арасындағы бірінші кездесу 16 қыркүйек күні Лас-Вегас қаласында өтіп, тең аяқталған еді. Енді екінші кездесу келесі жылдың 5 мамырында өтуі мүмкін. Қазір боксшылардың командасы келіссөз жүргізіп жатыр.

Автор өз мақаласында "Канелоға" екінші кездесуде мынадай тактикаларды ұстануға кеңес беріп отыр:

1. Қорғанысты жұдырықтасу. Бірінші жекпе-жекке құрғанан жоспарын ұстанып, рингтің шетінде қашып жүріп жұдырықтасу;
2. Головкинді қыспаққа алу. Бұл "Канелоның" басқа кездесулерде ұстанатын жоспары;
3. Сериялы соққылармен шабуыл жасап, содан соң қашып кетіп, рингтің шетінде демалып алу;
4. Көбірек джеб соққыларын пайдалану;
5. Головкинмен рингтің ортасында төбелесу;
6. Тағы да Головкиннен физикалық күшпен үстем түсу.

Әлеуметтік желілерде бөлісу