Орта салмақта WBO белбеуінің иегері қазақстандық Жәнібек Әлімханұлы (12-0, 8 КО) өзінің Facebook әлеуметтік желісінде ұлыбританиялық Дензел Бентлиге (17-1-1, 14 КО) қарсы кездесуге қалай дайындалып жатқанын айтты, деп жазады Vesti.kz тілшісі.
Бұл кездесу 12 қараша күні Лас-Вегастағы Palms Casino Resort спорт кешенінде өтеді.
"Құдай қаласа 30 раунд спарринг қалды. Жекпе-жекке дайындық қызу жүріп жатыр.
Иә, бұл шоуда қарсылас барын салатынын білемін. Себебі оған чемпион болуға үлкен мүмкіндік туып тұр. Сол үшін де аянып қалмайды. Біз бұл жекпе-жекке 100% дайын болып шығуымыз керек. Елемеген бұтақ көз шығаратынын жақсы білеміз. Қарсыласты зерттедік. Осал тұстарын анықтадық. Бұйыртса бұл жекпе-жек те оңай болады!
Құдай қаласа жеңісті күндерде жолығайық!, - деді Әлімханұлы.