Әлемнің бұрынғы чемпиондары Барри Макгуиган, Уэйн Маккалох және Рауль Маркес мексикалық Сауль "Канело" Альварес пен Геннадий Головкин арасындағы үшінші кездесуге болжамдары айтты, деп жазады vRINGe.com порталы.
"Головкин Муратаға қарсы жақсы кездесу өткізді. 40 жаста мұндай деңгейді ұстап тұру оңай емес. Дегенмен жапониялықтан ол көп соққы алды. "Канелоның" Биволдан жеңілгенін білеміз. Бірақ алдағы кездесуде Головкин (Бивол) секілді қимылдай алмайды. Альварес қарсыласын 76,2 келіге көтерілуге мәжбүр етті. Бұл Саульдің салмағы. Ол алдағы айқаста ұпаймен жеңіске жетеді деп ойлаймын. Тіпті жекпе-жек соңғы раундтарда тоқтатылуы да мүмкін", - деді жартылай жеңіл салмақта әлем чемпионы болған ирландиялық Макуиган.
"Менің ойымша, жекпе-жек соңына дейін жетеді. GGG өзінің соңғы кездесуінде таңғалдыра алмады. Екеуі де шаршаған сияқты. Алайда "Канелода" Головкинді жеңетін күш бар деп ойлаймын. Сондықтан Сауль ұпаймен жеңеді деген ой бар", - деді Маккалох.
"Жақсы жекпе-жек. "Канело" қазір аш қасқырдай. Сондықтан ол жекпе-жектің соңғы жағында нокаутпен жеңеді деп бәс тігем", - деді мексикалық боксшы Маркес.