Қазақстандық боксшы қарсыласын бірінші раундта нокаутқа түсірді

Еділ Қожамбердиев. © Tukeshov Boxing Prmotions

Қазақстандық Еділ Қожамбердиев кәсіпқой рингте мексикалық Хуан Карлосты мерзімінен бұрын жеңді, - деп хабарлайды Vesti.kz.

Кездесу Мексиканың Тихуана қаласында өткен бокс кеші аясында ұйымдастырылды. Жекпе-жек 4 раундқа есептелген, алайда Қожамбердиев бірінші раундта-ақ техникалық нокаутпен жеңді.

Осылайша, 32 жастағы Қожамбердиев кәсіпқой бокста 8-ші кездесуін өткізіп, алтауын мерзімінен бұрын жеңіп, екеуінде жеңілген. Ал оның қарсыласы спорттық мансабында 27-ші рет жеңіліп отыр екен. Ол бұрындары үш рет нокаутпен жеңген және үш рет қарсыласымен тең түскен.

Қожамбердиев кәсіпқой бокста 2017 жылы шілдеде АҚШ-та өнер көрсетіп бастады. Кейінірек ол Отанында үш рет және Ресейде екі рет жұдырықтасты. Әзірге ол алты раундтық кездесулерге шыққан жоқ.

Ол жартылайауыр салмақтан бастаған, алайда кейінірек бірінші ауыр дивизионға өтті. Оның келесі жекпе-жегі 27 ақпанда өтеді. Қарсыласының есімі әзірге белгісіз.

Әлеуметтік желілерде бөлісу