Жартылай орта салмақта өнер көрсетіп жүрген қазақстандық боксшы Нұртас Әжбенов кәсіпқой рингтегі келесі қарсыласымен қашан және қайда жұдырықтасатыны белгілі болды, - деп хабарлайды
Vesti.kz.
BoxRec сайтының мәліметінше, Әжбеновтың екінші жекпе-жегі 14 желтоқсанда Лондонның York Hall аренасында өтеді. Оның қарсыласы кім болатыны әзірге белгісіз.
Айта кетейік, қазақстандық боксшы кәсіпқой бокстағы бірінші кездесуінде 27 қазанда осы аренада никарагуалық Элиджио Паласиосты ұпай санымен жеңген еді.
Биыл маусымда Әжбенов тағы бір қазақстанды боксшы Сұлтан Заурбековпен бірге ұлыбританиялық MTK Global компаниясымен келісімшартқа отырды. Бұл компаниямен ұлыбританиялық Билли Джо Сондерс (26-0, 12 КО) пен Тайсона Фюри (27-0, 19 КО) сынды атақты боксшылар келісімшартқа отырған.
Жарнама