"Ахмедов нағыз талант, сонымен қоймай ол еңбекқор" - The Ring тілшісі

Али Ахмедов. © Vesti.kz/Роман Кушпелев

The Ring журналының тілшісі әрі Америкалық журналистер ассоциациясының (BWAA) мүшесі Райан Сонгалия қазақстандық боксшы Али Ахмедовты (12-0, 9 КО) кәсіпқой бокстың болашақ жарқын жұлдызы деп санайды. Vesti.kz тілшісіне берген сұхбатында америкалық Хорхе Эскалантеге қарсы өткізген жекпе-жегінде ол Ахмадеовтың әсерлі шабуылдары жайлы айтты.

"Ахмедов төртінші раундта Эскалантені дөрекі түрде тоқтатты. Жекпе-жек жартылай ауыр салмақта өтеді деп жоспарланған, алайда Эскаланте салмақ өлшеу рәсімінде тым ауыр болып шықты. Мен білсем, ол Ахмедовтан 14 фунтқа ауыр болды. Қазақстандықтың бұрышында Абель Санчес тұрды. Тандемнің әсері өз нәтижесін берді. Ахмедов жойқын соққыларын жұмсады. Көрермен күткен жекпе-жегін тамашалады, экстазда болды десе де болатын шығар. Эскаланте барынша аман қалуға тырысты. Ахмедовтың соққыларына әрең төтеп берді. Бірақ соңына дейін шыдай алмады.

Жас Ахмедовтың потенциалы жоғары. Талантты бола тұра, ол нағыз еңбекқор жігіт. Мен оны кәсіпқой юокстың жарқын жұлдызы ретінде көремін. Қазірдің өзінде ол шоу көрсетіп жүр", - деді Сонгалия.

Айта кетейік, Ахмедов соңғы жекпе-жегінің алдында Геннадий Головкинмен бірге Big Bear лагерінде Абель Санчестің залында жаттықты.

Ахмедовтың соңғы жекпе-жегінде оның бұрышында Сначес және GGG ағасы - Максим Головкин де болды.

Әлеуметтік желілерде бөлісу