Америкалық актер әрі продюсер Марк Уолберг орта салмақта WBC, WBA (Super) және IBO тұжырымдары бойынша әлем чемпионы Геннадий Головкин (38-0-1, 34 КО) мен мексикалық боксшы Сауль "Канело" Альварес (49-1-2, 34 КО) арасында өтетін екінші кездесуде кімнің жеңімпаз болатыны туралы өз ойымен бөлісті, - деп хабарлайды
Vesti.kz.
Қазақстандық пен мексикалық боксшы арасындағы екінші кездесуі 15 қыркүйекте АҚШ-тың Невада штатындағы Лас-Вегас қаласындағы T-Mobile аренасында өтеді. Бір жыл бұрын дәл осы жерде қос боксшы кіл мықтыны анықтай алмаған еді.
"Меніңше, Головкин бірінші жекпе-жекте жеңіске жетті. "Канелоның" да жұдырықтасуы маған ұнайды, бірақ ол Головкинді ұрып жығатындай емес. Головкин - нағыз жігіт, сонымен қатар ол ашуға булығып, ренжулі", - деді Уолберг BadCulture TV арнасына берген сұхбатында.
Айта кетейік, биыл ақпанда Головкин Уолбергтің үйінде қонақта болды. Чемпион Голливуд жұлдызына қолтаңбарсы бар және қазақша ою-өрнегі бар боксшы қолғабын сыйға тартты. Өткен жылы қыркүйекте Уолберг Головкинге "Канеломен" өткен бірінші жекпе-жектен соң қолдау білдірді.
47 жастағы Уолберг "Трансформеры", "Планета обезьян", "Третий лишний" және "Боец" фильмдері арқылы танымал болды. 2017 жылы ол екі фильмге түсіп, 67 миллион доллар табыс тапты.
Жарнама