"Жеңілу керек, сол кезде ешкім мазаламайды". Журналистер Головкиннің жаттығуына кедергі келтірді

Орта салмақта WBC, WBA (Super) және IBO тұжырымдары бойынша әлем чемпионы қазақстандық боксшы Геннадий Головкин (38-0-1, 34 КО) мексикалық боксшы Сауль "Канело" Альвареспен (49-1-2, 34 КО) өтетін екінші жекпе-жек алдында жаттығуын тоқтатты, - деп хабарлайды Los Angeles Times.

GGG Калифорниядағы Big Bear лагерінде медиа-күнді болдырмауға аз қалғаны туралы айтылады.

"Біз көп жұмыс істейміз. Адамдар біздің жаттығып жатқанымызды түсінуі керек. Бұл процес, - деді Головкин. Ол тек іріктелген журналистермен 15 минуттық сұхбат бергенге дейін, ешкіммен сөйлеспейтінін айтты. - Журналистердің көргенді ұнататынын білеміз, сол үшінде осыны ұйымдастырдық. Бірақ олар жаттығу процесіне кедергі болмауы тиіс".

Головкинді таңғы жүгіру кезінде бір топ журналист көліктерімен қоршауға алған.

"Ол 100 метр жүгірді де, лагерьге қайтып келді. Сосын жаттығу аяқталғанын айтты", - дейді Головкиннің бапкері Том Леффлер. - Ол тек оның жұмысына кедергі болмағандарын қалайды".

"Мен бір танымал спортшының бапкерінен былай сұрағанын естігенмін: Неге олар (репортерлер) бізге келіп, жаттығуға кедергі болады?", сонда бапкері былай депті: ""Жеңілу керек, сол кезде ешкім мазаламайды", - деп әзілдеді GGG

#Golovkin didn’t want to do interviews today but at the end he had time for us.... and then he said he might have to do something so media stop interrupting his workouts pic.twitter.com/NKROTJ1Va7
— Eduard Cauich (@ecauich) 9 августа 2018 г.

Олардың екінші кездесуі 15 қыркүйекте АҚШ-тың Невада штатындағы Лас-Вегас қаласындағы T-Mobile аренасында өтеді. Бір жыл бұрын дәл осы жерде қос боксшы кіл мықтыны анықтай алмаған еді.

Әлеуметтік желілерде бөлісу