Golden Boy боксшысы Головкин мен "Канело" арасындағы екінші кездесудің жеңімпазымен кездесетінін айтты

Ирландиялық боксшы Гэри "Спайк" О'Салливан (28-2, 20 КО) орта салмақтағы WBA (Super), IBO және WBC тұжырымдары бойынша әлем чемпионы қазақстандық Геннадий Головкин (38-0-1, 34 КО) мен мексикалық Сауль "Канело" Альварес (49-1-2, 34 КО) арасындағы екінші кездесудің жеңімпазымен кездесетінін айтып қалды.

Кеше түнде Головкин мен "Канело" арасындағы екінші кездесудің өтетінін туралы ресми хабар тараған еді. Екінші жекпе-жек 15 қыркүйек күні Лас-Вегас (Невада штаты) қаласындағы T-Mobile спорт кешенінде өтеді. Бұл кездесуді НВО арнасы ақылы жүйе (PPV) жүйесі арқылы көрсетеді.

"Бұл кездесуді өтетінін мен бұған дейін айтқанмын. Мұны жоққа шығармаңыздар. Олардың екінші рет кездесуді ұйымдастыра алғанына қуаныштымын. Асыға күтіп жүрмін. Содан соң желтоқсан айында мен өз арманымды орындап, чемпиондық белбеулерді жеңіп аламын", - деп жазды "Спайк" Твиттер парақшасында.

Don't say I didn't tell you all, it would happen!

Glad it's all sorted and announced.

Can't wait! Then onto December and i'll fulfil my destiny and get those belts! https://t.co/mmSbEdXAK0
— Gary Spike OSullivan (@spike_osullivan) 13 июня 2018 г.

Айта кетейік, О'Салливанның жекпе-жектерін де Альварестің кездесулерін ұйымдастыратын Golden Boy Promotions промоутерлік компаниясы ұйымдастырады. Ирландиялық боксшы 2016 жылдың мамыр айында Бораттың киімін киіп, Головкинді жекпе-жекке шақырып, танымал болған еді.

Еске салайық, бұған дейін Головкиннің промоутері Том Леффлер отандасымыз биыл тағы екі кездесуді өткізетінін айтты. Оның біріншісі қыркүйекте, екіншісі желтоқсан айында болады.

Әлеуметтік желілерде бөлісу