Мұндай жекпе-жек Исламға ештеңе бермейді - ҚКБФ вице-президенті Демьяненко

Қанат Ислам. Сурет Vesti.kz

Қазақстан кәсіпқой бокс Федерациясының вице-президенті Виктор Демьяненко Vesti.kz тілшісіне берген сұхбатында WBO Intercontinental және WBA Fedelatin нұсқалары бойынша әлем чемпионы Қанат Исламның (23-0, 19 КО) бразилиялық Робсон Ассиске (16-4, 9 КО) қарсы өткізген жекпе-жегі жайында айтып берді.

"Мұндай жекпе-жек Қанат Исламға қажет емес. Оған жаңа деңгейге шығу үшін мықты қарсыластарды таңдау керек. Қазіргі қарсыласы бірнеше мәрте жеңілген, рейтингі де жоғары емес. Мұндай қарсылас не үшін қажет? Қанат Исламға не береді?" - деді Демьяненко.

АҚШ-тың Уилмингтон қаласында өткен жекпе-жек басында Қанат қабағынан жарақат алып қалды. Намысты қолдан бермеген «Қазақ» қарсыласын соққылардың астына алып, кездесуді жылдам аяқтады. Бразилиялық қазақ боксшысының қауқарлы соққыларына бір раунд та шыдас бере алмады.

Айта кетейік, Қанат Ислам мен Робсон Ассис арасындағы рейтингтік жекпе-жек 10 раундқа жоспарланған болатын. Кездесудің бейнежазбасын мына сілтемеден көре аласыз.

Осылайша, қазақстандық былғары қолғап шебері 23-ші кездесуінде жеңіске жетті. Оның ішінде 19 жекпе-жегін уақытынан бұрын аяқтады.

Сонымен қатар, Қанат Ислам ЕХРО-2017 кезінде Астанада жұдырықтасатынын айтты.

"Алда Қазақстан боксшы үшін үлкен оқиға болады. Осы жазда Астанада ЕХРО кезінде үлкен боксы кеші болады. Мен сол кезде шаршы алаңға шығамын", - дейді қазақстандық боксшы Робсон Асиске қарсы өткізген жекпе-жегінен кейін.

Әлеуметтік желілерде бөлісу