Екі, үшеуден соң Головкинмен жұдырықтасуға болады - кіші Чавес

Орта салмақта бұрнғы әлем чемпион, мексикалық 32 жастағы боксшы кіші Хулио Сезар Чавес (50-3-1, 32 КО) қазақстандық 36 жастағы боксшы Геннадий Головкинмен жұдырықтасқысы келетінін айтты, - деп хабарлайды vRINGe.com.

"Қазіргі уақытта нақты бір есімді айтуды жөн көрмеймін, себебі біреудің есімін айту арқылы, келісімшартқа зияны тиюі мүмкін", - деді Чавес ESPN Deportes басылымына берген сұхбатында. - Әзірге мынадай есімдер аталды Серхио Мора және Габриэль Росадо рейтингте үздік боксшылар, олар әлем чемпионы атағы үшін таласқан. Мен әрқайсысымен шығуға дайынмын, біреудің ұсынысын қуанышпен қарсы аламын. Ең бастысы белсенді болып, спорттық мансабыңдағы ең керемет сәттерді бағалау қажет. Мен Головкинмен жұдырықтасқым келеді. Екі не үш жекпе-жек өткізіп, өзімді дұрыс қалыпқа келтіріп, жекпе-жекке шығауға дайын боламын. Шаршы алаңға GGG-мен шығатын болсам жай ғана жұдырықтасу үшін емес, жеңу үшін шығамын.

Айта кетейік, өткен жылы мамырда кіші Чавес өз отандасы Сауль "Канело" Альварестен жеңіліп қалған еді. Осыдан кейін ол бокстан үмітін үзгенін айтқан еді. Содан кейін шаршы алаңға да шықпады.

Әлеуметтік желілерде бөлісу