Міндетті үміткер Головкинмен жекпе-жек өткізу үшін басты шартын жариялады

Джермалл Чарло.© nyfights.com

Орта салмақта "уақытша" WBC чемпионы америкалық Джермалл Чарло (27-0, 21 КО) EsNews каналына берген сұхбатында орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкинмен (38-0-1, 33 КО) жұдырықтасуға дайын екенін жеткізді. Алайда оның қояр бір шарты бар екен.

Оның айтуынша, Головкинмен өтетітн жекпе-жектің гонорары барлық жағдайды ескеру арқылы берілуі тиіс екен. Чарло осы жекпе-жекке максималды түрде дайындалатынын және Головкинмен күшін сынап көретінін айтты.

"Маған қомақты қаражат төлейтін болса, мен онымен жұдырықтасуға дайынмын. Мен ұсыныстарды жақсы көремін. Денемнің әр бір мүшесі осы кездесуге дайын болады. Мен шаршы алаңға шығып, тартысты жекпе-жек ұйымдастырамын", - деді Чарло.

Осыған дейін Чарло қазақстандық боксшы өзімен жекпе-жек өткізуден қашып жүр деп айыптаған еді. Ал америкалықтың бапкері Головкинді мүлдем қорқақ деп айыптады.

Айта кетейік, 21 сәуірде Чарло екінші раундта өз отандасы Уго Сентеноны (26-2, 14 КО) нокаутқа түсіріп, Головкиннің міндетті қарсыласы атанды. Сол жеңісінен кейін, Джермалл чемпионға жекпе-жек өткізу туралы ұсыныс тастады.

Әлеуметтік желілерде бөлісу