Амир Хан екі жылдан кейін Альвареспен өткен кездесуі туралы айтып берді

James Gourley/ITV/REX/Shuttelslock©

Бірінші орта салмақтағы әлемнің бұрынғы чемпионы Амир Хан мексикалық Сауль "Канело" Альвареске қарсы кездесуге не үшін келісім бергенін айтып берді, деп хабарлайды "Чемпионат.com" порталы.

"Мен шынымен кездескім келетін қарсыластар болды. Мысалы, Флойд Мейвезерге қарсы жекпе-жек. Бұл кездесу туралы көпшілік ұзақ айтты. Бірақ айқас өтпеді. Мен үлкен кездесу үшін ғана Альвареске қарсы шаршы алаңға шығуға келісім бердім. Менің есімім Лас-Вегастағы жарнамаларда болғанын қаладым. Бұл менің арманым болды. Дегенмен Мейвезерге қарсы кездесуді ұйымдастыра алмадық.

Мені оған дейін де нокаутқа түсірген. Ол кезде мен қайта оралып, белбеу жеңдім. Альвареске қарсы кездесуде мен өзім қателестім. Сол қолымды түсіріп алып, "Канелоның" оң қолмен жасаған соққысын өткізіп алдым. Бірнеше емес бір ғана соққыдан нокаутқа түскенім де жақсы болды", - деп келтіреді Ханның сөзін Sky Sports.

Еске салайық, "Канело" Ханды жекпе-жектің алтыншы раундында нокаутқа түсірді. Содан соң британдық боксшы екі жылдай шаршы алаңға шықпады. Енді ол келесі кездесуін 21 сәуір күні Ливерпуль қаласында канадалық Фил Ло Грекоға қасы өткізеді. Қазіргі уақытта Ханның еншісінде 31 жеңіс және төрт жеңіліс бар.

Әлеуметтік желілерде бөлісу