Деревянченконың командасын түсінеміз, бірақ мұндай шара үш апта бұрын ойластырылмайды - Леффлер

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкиннің (37-0-1, 33 КО) промоутері Томм Леффлер Головкиннің қарсыласы неліктен украиналық боксшы Сергей Деревянченкомен (12-0, 10 КО) болмайтынын түсіндірді, - деп хабарлайды vringe.com.

"Бұрын соңды мұндай жағдай болмаған. Головкин бокс ұйымдарының талаптарына әрдайым құрметпен қарап, белбеулерін қорғаудан ешуақытта қашқан емес. Қазір бізде уақыт тым аз. Біз Деревянченконың командасын түсінеміз, оны жақсылап жоспарлап дайындалу керек. Бірақ мұндай шара үш апта бұрын жеткіліксіз. Біз сонда да IBF, WBC және WBA талаптарын орындайтын боламыз", - деді Леффер.

Осыған дейін, орта салмақта өнер көрсетіп жүрген украиналық боксшы Сергея Деревянченконың (12-0, 10 КО) промоутері Лу Дибелла қазақстандық боксшы Геннадий Головкинге үндеу жариялаған еді.

"Мен Головкинді түсінемін. Деревянченко - чемпион үшін қауіпті қарсылас. Ол үшін оны айыптамаймын да. Мен Головкин мен оның промоутері Том Леффлерді сыйлаймын. Олар туралы жаман сөз айтудан аулақпын. Бірақ қазіргі уақытта олар дұрыс шешім шығаруы тиіс. Деревнчинкомен жекпе-жекке шыққысы келмей ме? Жарайды. Ешқандай мәселе жоқ. Бірақ титулдарды беріңдер", - деді Дибелла.

Әлеуметтік желілерде бөлісу