Америкалықтар бізді жақтырмайды - Мадияр Әшкеев

Сурет Facebook парақшасынан алынды

Қазақстандық кәсіпқой боксшы Мадияр Әшкеев Vesti.kz тілшісіне АҚШ-та өткізетін келесі жекпе-жегі туралы айтып берді.

- Мадияр Қарсыласыңыз 12 кездесудің екеуін ғана ұтылған екен. Осындай дәрежеге жетсе, оңай қарсылас болмағаны ғой ...

- АҚШ-та әлсіз боксшылар жоқ, барлығы жеңіс үшін жұдырықтасады. Мен анық басымдықпен немесе нокаутпен жеңу үшін дайындалып жатырмын. Америкалықтар бізді жақтырмайды... Сондықтан мен әсерлі бокс көрсеткім келеді, біздің бокс мектебі қандй екенін танысын.

- Жанкүйерлер сізді жақтырмай, ысқырған кездер болды ма?

- Иә ондай кездер болды, афроамерикалықтармен қолғап түйістіргенде.

- Психологиялық тұрғыда қиындық тудырмайды ма?

- Жоқ, мен мұндайға назар аудармаймын.

- Қарсыласыңыздың жекпе-жегін көрдіңіз бе?

- Иә, көрдім, ол солақай. Қазір бапкерлермен осыған қатысты тактика дайындап жатырмыз.

- Ал бокс кешінде төбелестер немесе рингке бөгде заттар лақтырған сәттер болды ма?

- Жоқ, ондай болмады. .

- Жақияновтың жекпе-жегін тамашаладыңыз ба?

- Көрдім, үйде тақым тартып отырдым. Ол қазақтарды мұқату оңай еместігін көрсетті. Бірінші раундата екі рет нокдаунға түсті, бірақ, еш қайтпады. Ол нағыз жауынгер, мен осы жекпе-жегі үшін оны сыйлаймын.

- Екі рет нокдаун алғаннан кейін Жақияновтың жеңіске жетенінене сендіңіз бе?

- Иә. Бірақ аздап қорқыныш туды, алайда, Жанат дер кезінде есін жиып алды.

- Жанат қарсыласынан анық басым болды ма?

- Бірінші раундты есептемегенде, қалған уақттың бәрі Жанаттың пайдасында болды. Дегенмен бір төреші қарсылас пайдасына 115:111 берген.

Еске салайық, 28 жастағы Мадияр Әшкеев кәсіпқой рингте жеті рет жұдырықтасқан. Оның келесі қарсыласы 34 жастағы америкалық Шон Кэмерон болады. Жекпе-жек 15 сәуірде өтеді.

Ал 33 жастағы Жанат Жақиянов өткен сенбіде америкалық боксшы Роуши Уоренді жеңіп, WBA (Super) және IBO белбеулеріне ие болды.

Әлеуметтік желілерде бөлісу