WBC әлем чемпиондарының бапкерлерін де арнайы белбеумен марапаттайтын болды

©:RingTV

Бүкіләлемдік бокс кеңесі (WBC) 55 жылдық мерей тойына орай әлем чемпиондарының бапкерлерін де арнайы белбеумен марапаттау туралы шешім шығарды, деп хабарлайды vRINGe.com порталы RingPolska басылымына сілтеме жасап.

"Бапкер - боксшы үшін өмірін құрбан ететін адам. Олар шәкірттері үшін әкесіндей болып кеткен. Бірге армандайды, бірге жұмыс істейді. Сондықтан да олардың боксшылармен қатар марапаттау керек. Жуыр арада біз мұны іске асырамыз", - деп айтты WBC Маурисио Сулейман.

Айта кетейік, қазіргі уақытта WBC тек чемпиондық белбеумен марапаттап қоймай, боксшыларға ақшалай да сый беретін болды.

Ал жуырда Сулейман орта салмақта WBA (Super), IBO, WBC және IBF тұжырымдары бойынша әлем чемпион қазақстандық Геннадий Головкин (37-0-1, 33 КО) мен мексикалық Сауль "Канело" Альварес (49-1-2, 34 КО) арасындағы екінші кездесуге де арнайы белбеу дайындап шығыратынын айтты.

Өткен жылы WBC Головкин мен "Канело" арасындағы бірінші кездесудің жеңімпазы үшін де белбеу дайындағын. Бірақ 16 қыркүйек күні Лас-Вегаста өткен кездесу тең аяқталған еді. Соған қарамастан кеңес белбеуді Головкинге берді.

Әлеуметтік желілерде бөлісу