Головкиннің промоутері "Канелоның" командасымен өтіп жатқан келіссөздің соңғы жаңалықтарын айтты

©: Тұрар Қазанғапов.

Орта салмақта WBC, WBA (Super), IBF және IBO тұжырымдары бойынша әлем чемпионы қазақстандық боксшы Геннадий Головкиннің промоутері Том Леффлер мексикалық Сауль "Канело" Альварестің командасымен өтіп жатқан келіссөздің соңғы жаңалықтарын айтты. Бұл туралы boxingscene.com порталы хабарлайды.

"Біз жекпе-жекті ұйымдастыруға тағы да жақындай түстік. Мен үнемі Golden Boy Promotions промоутерлік компаниясының президенті Эрик Гомеспен сөйлесіп тұрамын. Соңғы ұсақ-түйек мәселелер қалды. Жуық арада бұл мәселені де шешіп, екінші кездесуді өткізуге қолайлы жер таңдаймыз деп сенемін. Бірақ алдымен жекпе-жек туралы келісімге келу керек. "Канелоның" командасы екінші кездесудің қай жерде өтетінін таңдағысы келетін сияқты. Дегенмен де біз келісімшартқа қол қойған кезде, кездесудің өтетін жерін де анықтаймыз. Бізде келіссөзді жүргізу үшін ешқашан нақты бір дедлайн болмаған. Біз Эрикпен екінші кездесу туралы бірінші жекпе-жек өткен соң екі аптадан кейін ғана келісіп алар еді. Бірақ "Канело" ұзақ уақыт АҚШ-та болмады. Сондықтан бізге "Канелоны" күтіп, оның ойын білу керек болды. Ал енді Геннадий Қазақстанда. Келіссөздер әлі бітпесе де, екінші кездесудің өтетініне сенімдіміз", - дейді Леффлер.

Еске салайық, Головкин мен Альварес арасындағы бірінші кездесу 2017 жылдың 16 қыркүйегінде Лас-Вегас қаласында өтіп, тең аяқталған еді. Осылайша отандасымыз өзіне тиесілі барлық белбеулерін қорғап қалды. Енді екінші кездесу 5 мамырда өтуі мүмкін.

Әлеуметтік желілерде бөлісу