Мен Вераның да, Исламның да кездесулерін көргенмін. Олардың жекпе-жегі керемет болады - Рой Джонс

©: Vesti.kz

Төрт салмақ бойынша әлемнің бұрынғы чемпионы кіші Рой Джонс (65-9, 47 KO) Vesti.kz порталының тілшісіне бірінші орта салмақтағы WBA тұжырымының міндетті қарсыласы болуыға мүмкіндік беретін қазақстандық Қанат Ислам (25-0, 20 KO) мен америкалық Джон Вера (18-0, 11 КО) арасындағы кездесу туралы ойымен бөлісті.

"Менің ойымша, Джон Вера мен Қанат Ислам арасындағы кездесу керемет болады. Мен екеуінің де жекпе-жегін көргенмін. Сондықтан қайсібір боксшыға басымдық беру мен үшін қиын. Екі боксшы үшін де бұл кездесу маңызды болмақ. Джонды да, Қанатты да жақсы білемін. Екеуінің де мүмкіндіктері бірдей", - дейді Джонс.

Айта кетейік, WBA кеңесі жіберген хат бойынша екі боксшының командасы 21 желтоқсанға дейін жекпе-жек туралы келісімге келуі керек. Кері жағдайда кездесуді өткізу құқығы бәссаудаға қойлады.

Бұған дейін қазақстандық промоутер Болат Манкенов кездесу туралы өз ойымен бөлісті. Оның айтуынша, жекпе-жек АҚШ-та өтуі мүмкін. Ал Delcotimes.com порталының тілшісі мен комментаторы Джек МакКаферри болса бұл жекпе-жек америкалық көрермендер үшін қызықты болатынын айтты.

Бұл кездесуде жеңіске жеткен боксшы WBA белбеуінің иегері кубалық Эрисланди Лараның (25-2-2, 14 КО) бірінші кезектегі міндетті қарсыласы болады.

Қазіргі уақытта Қанат Ислам WBA рейтингінде бірінші орында келеді. Ол өзінің соңғы кездесуін 9 қыркүйек күні Астана қаласында өкізіп, канадалық Брэндон Куктан айласын асырып, WBO NABO және WBA Inter-Continental белбеулерін қорғап қалды.

Вера болса бұл рейтингте екінші орында тұр. Соңғы кездесуін ол 2017 жылдың 29 қыркүйегінде өткізіп, Сандэй Алжувудан айласын асырды.

Әлеуметтік желілерде бөлісу