Қанат Ислам Бейбіт Шүменовпен бірге жаттығу жасап жатыр

Сурпет: profiboxing.kz

Бірінші орта салмақта өнер көрсететін қазақстандық кәсіпқой боксшы Қанат Ислам (25-0, 20 КО) алдағы кездесуіне бірінші ауыр салмақта әлемнің бұрынғы чемпионы Бейбіт Шүменовпен (17-2, 11 КО) бірге жаттығу жасап жатыр. Бұл туралы Profiboxing.kz порталы хабарлайды.

Қазіргі уақытта Қанат Ислам Шүменовтың қол астында күніне үш сағаттық жаттығуды Шымкенттегі Royal Club Fitness & SPA базасында өткізіп жатыр.

Отандасымыз жаттығудың келесі кезеңіне желтоқсан айының ортасында АҚШ жерінде жалғастырады.

Еске салайық, қараша айының соңында Бүкіләлемдік бокс кеңесі (WBA) Қанат Ислам мен осы салмақта рейтингте екінші тұрған америкалық Джон Вера арасындағы кездесудің өтуін міндеттеген еді. Бұл кездесуде жеңіске жеткен боксшы чемпионнның міндетті қарсыласы болады. Екі боксшының командасында жекпе-жекті ұйымдастыруға 30 күн бар. Кері жағдайда кездесу бәссаудаға қойлады.

Айта кетейік, Шүменов биыл маусым айында карьерасын аяқтаған еді. Ол қазақстандық боксшылар арасында екі салмақта чемпион болған жалғыз боксшы.

Әлеуметтік желілерде бөлісу