"Канело" жұдырықтасқысы келмесе, мен WBO белбеуі үшін жекпе-жек өткізгім келеді - Головкин

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) мексикалық Сауль "Канело" Альвареспен екінші жекпе-жек өткізу туралы келіссөздер іске аспаған жағдайда, басқа да жоспарларының барын айтты.

"Мен жылына үш-төрт жекпе-жек өткізгім келеді, әрине мен мұның қиын болатынын білемін. Егер "Канело" менімен жұдырықтасудан бас тартса, мен орта салмақтағы барлық титулдардың басын қоссам деймін. Әрине мен WBO чемпионына қысым көрсете алмаймын, ол өзі қарсы болмаса, мен дайынмын. Менің арманым - барлық титулды иелену", - деді Головкин ESPN Deportes басылымына берген сұхбатында.

Айта кетейік, орта салмақта WBO чемпионы - ұлыбританиялық Билли Джо Сондерс (25-0, 12 КО). Ол 16 желтоқсанда 2015 жылы қазақстандық боксшыдан жеңіліп қалған Канадада Давидом Лемьемен (38-3, 33 КО) жұдырықтасады.

Сонымен қатар, "Канелоның" промоутері Оскар Де Ла Хойя Головкинмен екінші жекпе-жек өткізу келіссөздері Сондерс - Лемье кездесуінен кейін жалғасатынын айтты.

Айта кетейік, Головкин соңғы жекпе-жегін мексикалық Сауль "Канело" Альвареске қарсы өткізді. Лас-Вегаста өткен жекпе-жек 12 раундқа созылды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.

Әлеуметтік желілерде бөлісу