"Канеломен" Мексикада жұдырықтасуға дайынмын - Геннадий Головкин

Reuters©

Орта салмақтағы WBC, WBA (Super), IBF және IBO тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) Сауль "Канело" Альвареспен (49-1-2, 34 КО) Мексикада кездесуге дайын екенін айтты.

ESPN Deportes арнасындағы бағдарламардың бірінде болған сұқбатты жүргізугі Головкиннен - "Канеломен" Мексикада кездесуге қалай қарайтынын сұраған болатын. Бұл сауалға отандасымыз еш қиналмай жауап қатты.

"Негізі жақсы идея. Мен "Ацтека" стадионында жекпе-жек өткізгім келеді. Егер "Канело" осы жерде жұдырықтасуға дайын болса, мен қолдаймын. Бірақ біз алдымен Альварестің ойын біліп алуы керекпіз", - дейді Головкин.

Айта кетейік, "Ацтека" бокс тарихындағы жанкүйерді көп жинау көрсеткіші бойынша рекордтың иесі. Ол рекорд 1993 жылы Хулио Сезар Чавес (107-6-2, 86 КО) пен америкалық Грег Хоген 40-10-1, 13 КО) арасындағы кездесуде тіркелді. Бұл кездесуді 132 мың 147 жанкүйер тамашалды.

Еске салайық, Головкин мен "Канело" арасындағы жекпе-жек 16 қыркүйек күні Лас-Вегаста өтіп, тең аяқталды. Осылайша қазақстандық боксшы өзіне тиесілі белбеулерін сақтап қалды. Олардың екінші кездесуі 2018 жылдың 5 мамырында өтуі мүмкін. Қазір бұл туралы екі боксшының командалары келіссөз жүргізіп жатыр.

Әлеуметтік желілерде бөлісу