Жақияновтың менеджері кездесуден кейін допинг сынақ тапсырмаған Барнетті кім қорғаштап жүргенін айтып берді

Қазақстандық кәсіпқой боксшы Жанат Жақияновтың менеджері Филипп Фондю отандасымыздың соңғы қарсыласы болған британдық боксшы Райан Барнетті "допингке қарсы заңды" сақтамауына байланысты жағдайды толығымен айтып берді. Vesti.kz порталының тілшісіне берген сұқбатында ол Барнетті қазір "кейбіреулер қорғап" жатқанын және Жақияновтың командасы берген шағымды қарастырмағанын хабарлады. 

"Бұл кикілжің жайдайға байланысты WBA Конвенциясында ашық айтқаныменен, бірақ кеңес тарапынан ешқандай жауап келмеді. Сонымен қатар BBofC (Британия боксын бақылауда ұстайтын кеңес) тарапынан жауап болмады. Мен біздің заң жағынан кеңесшіміз Леон аргулесқа бұл мәселені ары қарай да қарастыра беруін айттым. Ол WBA кеңесінің басшысы мен осы мәселеге байланысты барлық адамдарға хаттың көшірмесін жіберді. 

Бұл ринг сыртындағы қиын айқай болайын деп тұр. Біздің жеңіске жету мүмкіндігіміз өте төмен. Дегенмен де біз қолымыздан келгенін жасаймыз. Оның үстіне BBBofC комиссиясы Белфесте болды. Ал WBA кеңесі бізге үнемі допингке байланысты сауалдарды мұқият назарға алу керектігін айтады. Бірақ бұл іс Барнеттке қатысы жоқ сияқты. 

Жекпе-жекте болған BBBofC кеңесінің бас хатшысы Роберт Смит Барнетті қорғаштап жүрген секілді. Ол бұған дейін Барнеттің емханаға баруы керек туралы шешімді дәрігер шығарғанын айтты. Бірақ боксшының қасында UKAD иснпекторлары болған. Ал жекпе-жектен кейін бұл ұйымның өкілдері боксшыны ешқайда алып бара алмайды. 

Мен айтып отырған дәрігердің өзі әрине Белфестен ...

Мен бұл істің соңына дейін барамын. Кездесудің нәтижесі тіркелмеді деген немесе WBA тез арада екінші кездесуді ұйымдастыруды талап етемін. 

Бірақ тағы айта кетейік, жағдай қиын. Өйткені, бұл іске жоғары шенділер (BBBofC басшысы Роберт Смитті айтып тұрмын) араласып кетті. Олар тіпті біздің шағымымызды қарастырған да жоқ. Дегенмен де біз бұл істің әділ аяқталу үшін жұмыс істей береміз", - дейді Фондю. 

Жеңіл салмақта WBA және IBF белбеулерін біріктірген жекпе-жек 21 қазан күні Барнеттің туған қаласы Белфестте өткен болатын. 12 раундтың қорытындысы бойынша төрешілер жеңісті британдық боксшыға берді. Осылайша Барнетт IBF белбеуін сәтті қорғап, Жақияновтың WBA (Super) белбеуіне ие болды.

Жекпе-жектен кейін екі боксшы да міндеттелген допинг сынақтан өтуі керек болатын. Жақиянов сынаманы тапсырса, Барнетт келмеген. Оған себеп британдық боксшының емханаға кетуі болған. Осы жағдайға байланысты Жақияновтың командасы WBA және IBF ұйымдарына шағым білдірді.