"Канелоның" қалағаны болады. Де Ла Хойя мексикалық боксшының келесі қарсыласы Головкин болмауы мүмкін екенін айтты

Оскар Де Ла Хойя. Сурет: Brad Barket/Getty Images

Екі салмақта бойынша әлемнің бұрынғы чемпионы мексикалық Сауль "Канело" Альварес (49-1-2, 34 КО) келесі кездесуін орта салмақтағы WBA (Super), IBO, WBC және IBF белбеулері бойынша әлем чемпионы қазақстандық боксшы Геннадий Головкинге (37-0-1, 33 КО) қарсы өткізбеуі мүмкін.

Бұл туралы "Канелоның" жекпе-жектерін ұйымдастыратын Golden Boy Promotions промоутерлік компаниясының басшысы Оскар Де Ла Хойя айтты. Оның айтуынша, Головкиннің командасымен қазіргі уақытта келіссөздер тым баяу жүріп жатыр екен. Сонымен қатар олардың басқа да жоспары бар екенін жеткізді.

"Келіссөздер жүріп жатыр. Бірақ өте баяу жүріп жатыр. Қазір нақты ештемені келіспедік. Біз тіп кездесу қашан өтетіні туралы сөйлескен жоқпыз. Дегенмен кездесу өтуі керек. Бұл кездесуде Головкин де, "Канело" да және Golden Boy да ұйымдастырғысы келеді. Желтоқсаннан кейін біз кездесіп, кездесудің қашан және қайда өтетінін нақты шешеміз.

Джейкобс орта салмақтағы боксшылардың бірі. Сонымен қатар Лемье мен Сондерс бар. Жанкүйерлердің қалағанын жекпе-жегін ұйымдастыруға тырысамыз. Промоутер ретінде "Канело" мен GGG арасындағы кездесу өтуі керек деп ойлаймын. Дегенмен "Канелоның" қалағаны болады. Жуық арады біз онымен кездесіп, жоспарларымыз туралы ақылдасып аламыз", - деп келтіреді промоутердің сөзін Boxingnews24.com порталы.

Бұған дейін промоутер Головкинмен келіссөздер 16 қыркүйек күні Канада қаласында орта салмақтағы WBO белбеулінің иегері Билли Джо Сондерс пен канадалық Давид Лемье арасындағы кездесуден кейін жалғастырамыз деген еді.

Еске салайық, Головкин мен "Канело" арасындағы жекпе-жек 16 қыркүйек күні Лас-Вегаста өтіп, тең аяқталды. Осылайша қазақстандық боксшы өзіне тиесілі белбеулерін сақтап қалды. Олардың екінші кездесуі 2018 жылдың 5 мамырында өтуі мүмкін. Қазір бұл туралы екі боксшының командалары келіссөз жүргізіп жатыр.

Әлеуметтік желілерде бөлісу