Головкин келер жылы қанша және кімдермен жекпе-жек өткізетіні белгілі болды

©: vk.com/ggolovkin

Орта салмақтағы WBA (Super), IBO, WBC және IBF белбеулерінің иегері қазақстандық боксшы Геннадий Головкиннің (37-0-1, 33 КО) промоутері Том Леффлер RingTV арнасына берген сұқбатында отандасымыздың 2018 жылғы жоспарлары туралы айтып берді.

"Менің ойымша біз келер жылы үш кездесу өткіземіз. Головкин алдымен мамыр айында, содан сон қыркүйек жцне желтоқсан айында жекпе-жек өткізетін шығар. Әрине, мамырда біз "Канеломен" екінші рет кездесуді ойластырып отырмыз. Бұл біздің басты мақсатымыз. Сонымен қатар Головкиннің карьерасын бір орында тұрып қалмау үшін қосалқы жоспарымыз да бар.

"Канелоның" мәңгілік күте бермейміз. Егер ол жекпе-жек өткізуге келісім бермесе, Головкиннің кездесуін қабылдайтын спорт кешендері бар. Менде қосымша жоспар да. Ол кезде GGG Джейкобспен екінші рет кездесуі мүмкін", - дейді Леффлер.

Еске салайық, Головкин өзінің соңғы кездесуін 16 қыркүйек күні Лас-Вегас қаласында мексикалық Сауль "Канело" Альвареске (49-1-2, 34 КО) қарсы өткізді. 12 раундтың қорытындысы бойынша төрешілер тең нәтижені тіркеді. Осылайша қазақстандық боксшы өзіне тиесілі барлық белбеулерін сақтап қалды. Ал олардың екінші кездесуі 2018 жылдың 5 мамырында өтуі мүмкін.

Әлеуметтік желілерде бөлісу