МакГрегордың досы әрі спарринг серіктесі. Хамитовтың келесі қарсыласы туралы не білеміз?

26 қараша күні Алматындағы "Алматы-Арена" спорт кешенінде ережесіз жекпе-жекте ел намысын қорғап жүрген Қуат "Найман" Хамитов Fight Nights (FN) және Absolute Championship Berkut (ACB) промоушендері ұйымдастырып жатқан жекпе-жек кешінде ирландиялық Питер Куиллимен кездеседі. Осы орайды Vesti.kz порталы сіздерді қазақстандық спортшының келесі қарсыласы туралы толығырақ мәлімет беруді жөн көрді. 

Ирландиялық спортшы қазіргі  уақытта өзінің жаттығу жұмыстарын Дублинде SBG Ireland спорт кешенінде өткізеді. Оның спарринг қарсыластарының қатарында UFC-де жартылай жеңіл салмақта өнер көрсететін Артем Лобов және Гуннар Нельсон. Бұған дейін Куиллидің өзі жаттығу жұмыстарына UFC чемпионы Конор МакГрегордың өзі көмектесетінін айтты. 



31 жастағы ирландиялық спортшының бойы - 180 сантиметр. Ол Хамитовтан жеті сантиметрге биік. FN рейтингінде Питер Қуаттан бір саты төмен орналасып, жетінші орында келеді. 

Питер Куилли карьерасын 2012 жылы бастаған. Ол жеңіл және жартылай жеңіл салмақта өнер көрсететі. Cage Warriors Fighting Championship, XCage 8, Venator, OMMAC, CAC, Extreme Fighting Championship және FN промоушендерінің аясында 14 кездесу өткізген. Оның он кездесуінде жеңіске жетсе, төрт кездесуде жеңіліп қалған. 

Соңғы кездесуін ол FN промоушенінде өткізіп, ресейлік Ислам Бегидовтен жеңілді. 



Қуат Хамитов та өзінің соңғы кездесін FN турнирінлде Владивостокта өткізіп, чемпиондық белбеуге талас кездесуінде төрешілердің шешімі бойынша ресейлік Магомедсайгил Алибековтен жеңілді. Жалпы Хамитов ережесіз жекпе-жекте 24 кездесу өткізіп, 18 кездесуде жеңіске жетсе, 6 кездесуде жеңілген. 

Әлеуметтік желілердегі көрсеткіштеріне қарайтын болсақ, "Найманның" жанкүйерлері көп екен. Куиллидің Facebook парақшасынла 3039 досы болса, Хамитовте 4693. Ал қазақстандық спортшының Instagram парақшасындағы оқырмандары әлдеқайда көп. Нақты айтатын болса, "Найманд" 145 000, ал Питерде 68 000. 

Куилли Ирландияның Дангерван қаласында дүниеге келген. Кейіннен елдің бас шаһары Дублин қаласына көшіп кеткен. Кейіннен Дублиндегі St. Augustine's Dungarvan колледжінде оқыған. 



Ирландиялық спортшы графигіне ерекше көңіл бөлмейді екен. Дегенмен де ұйқыға 8-9 сағатын арнайды. Ол күніне 
екі рет жаттығу жасайды. Куилли шекерден толығымен бас тартып, салауатты өмір салтын сақтайды. 

Айта кетейік, Куилли мен Хамитов арасындағы кездесу AFC және FN промоушендері 26 қазан күні Алматы қаласындағы 12 мың жанкүйер сыйатын "Алматы-Арена" спорт кешенінде өтетін ережесіз жекпе-жек кешінің басты кездесуі болады.