Головкиннің бұрынғы қарсыласы Габриэль Росадо отандасы Глен Тапианы жеңді

Габриэль Росадо. Сурет: boxingnews24.com

Орта салмақта өнер көрсететін Габриэль Росадо отандасы Глен Тапианы нокаутқа түсіріп, жеңіске жетті, деп хабарлайды Vesti.kz порталы.

Росада мен Тапиа арасындағы бокс кездесуі Golden Boy Promotions промоутерлік компаниясының Лас-Вегаста ұйымдастырған бокс кешінің басты жекпе-жегі болды. Бұл бокс кешінің андеркартында отандасымын Бекман Сойлыбаев та сынға түсіп, екінші жеңіл салмақтағы WBC International белбеуін сәтті қорғап қалды.

Он раундқа жоспарланған бұл кездесу алтыншы раундта аяқталды. Ауыр соққы алған Тапианың кездесуді жалғастыра алмайтынын көрген төреші кездесуді тоқтатып, жеңісті Росадоға берді.

Еске салайық, Росадо 2013 жылы қазақстандық боксшы Геннадий Головкинмен (37-0-1, 33 КО) кездесіп, техникалық нокаутпен жеңіліп қалған болатын. Ал Тапиа болса 2016 жылы канадалық Давид Лемьемен (38-3, 33 КО) жұдырықтасып, жеңіліп қалды.

Головкинмен өткізген кездесуден кейін Росада тағы тоғыз жекпе-жек өткізіп, бес кездесуінде жеңіліп қалса, бір кездесу өтпей қалды. Ал Тапиамен кездесудің алдында Габриэль қатарынан екі кездесуде жеңілген еді.

Әлеуметтік желілерде бөлісу