ESPN тілшісі Жақияновтың мықты тұстарын атап өтіп, Барнеттпен өтетін кездесуге болжам жасады

©:boxingscene.com

ESPN телеарнасының тілшісі Фернандо Барбоза Vesti.kz порталының тілшісіне жеңіл салмақта WBA (Super) белбеуінің иегері қазақстандық боксшы Жанат Жақиянов осы салмақта IBF белбеуінің иегері британдық боксшы Райан Барнеттпен арасындағы кездесуге болжам жасап, қазақстандық боксшының мықты тұстарып атап өтті.

"Біз керемет жекпе-жектің куәсі болғалы тұрмын. Бұл кездесуде Барнеттің қаншалықты мықты боксшы екенін көреміз. Жақиянов қарымды боксшы. Ол Барнеттің карьеарсындағы ең мықты қарсыластың бірі болады. Егер Барнетт кездесуді жақсы бастаса, жеңіске жетуі мүмкін. Бірақ ол өте баяу қимылдайды. Сондықтан Жақиянов оның шаршы алаңдағы барлық қимылдарын бақылап отырады деп ойлаймын. Егер Барнетт бірінші раундтан бастап белсенді қимылдамаса, кездесу ұзаққа созылып, Жақиянов тәжірибесінің арқасында жеңіп кетуі ықтимал. Өйткені, Уорренде тура осындай қателік жасаған еді.

Көпшілік Жақияновтың неге аутсайдер санайтынын түсінбеймін. Бұл екі мықты бокс арасында өтетін кездесу. Менің ойымша, Барнеттке шамалы ғана басымдықты беруге болады. Дегенмен де кездесу қалай аяқталса да таң қалмаймын", - дейді Барбоза.

Айта кетейік, Жақиянов пен Барнетт арасындағы кездесу 21 қазан күні Солтүстік Ирландияның Белфест қаласындағы SSE Arena спорт кешенінде өтеді.

АҚШ жерінде бұл кездесуді НВО арнасы көрсетеді. Бұл жекпе-жекті Қазақстанда QazSport арнасы тікелей эфирде көрсетеді. Бокс кеші 21 қазан күні 00:30-да басталады. Кештің басты жекпе-жегінде жұдырықтасатын Жақиянов пен Барнеттің шаршы алаңға қай уақытта шығатынын мына жерден көре аласыздар.

Әлеуметтік желілерде бөлісу