Дэн Рафаэль Головкин - Альварес реваншы бойынша келіссөз қашан жалғасатынын айтты

Танымал америкалық бокс шолушысы Дэн Рафаэль Еspn.com порталының чатында орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) мен мексикалық Сауль "Канело" Альварестің екінші жекпе-жегінің келіссөздері қашан жалғасатыны жайлы айтып берді, - деп хабарлайды Vesti.kz.

"Эрик Гомес пен Том Леффлер келіссөздер жүргізіп жатты, сосын GGG промоутері елден кетті. Гомес осы аптада маған келіссөздердің келесі аптада жалғасатынын айтты. Асығыс жоқ. Бұл іске асады", - деді Рафаэль.

Осыған дейін Головкин мен Альварес командаларының келіссөздері 22 қыркүйекте басталғаны жайлы хабарланған еді.

Айта кетейік, Лас-Вегаста өткен жекпе-жек 12 раундтан тұрды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.

Сондай-ақ, кейінірек жекпе-жектің толық видеосы жарияланды. Сонымен қатар, Спорттық комиссия басшысы "Канелоның" пайдасына дауыс берген төрешіні шеттетті. Олардың екінші жекпе-жегі 2018 жылы 5 мамырда өтеді деп болжанады.

Әлеуметтік желілерде бөлісу