Испаниялық танымал Marca.com басылымы Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) мен мексикалық Сауль "Канело" Альварес жекпе-жегін PPV (ақылы трансляция) арқылы қанша адам тамашалағанын жариялады.
"Әзірге бұл сандар ресми емес, бұл жекпе-жектен "Канело" 25 миллион доллар табыс тапқанын, ал Головкиннің 10 миллион доллар алатыны хабарланған еді. Олардың жекпе-жегінен ақылы трансляция PPV-сатылымдарынан 100 миллион доллар түскен. Бұл сомадан екі боксшы да өз үлестерін алады. PPV трансляцияларының ең жоғарғы сапда көру құны 79,99 доллар болды", - деп жазады басылым.
Егер PPV-сатылымдары бойынша Marca мәліметтерін негіз етіп алатын болсақ, ұйымдастырушылар 1,2 миллион трансляция сатқан. Айта кетейік, көптеген мамандар 1 миллионнан 1,5 миллионға дейін PPV-сатылымдары болғанын айтады.
Айта кетейік, Лас-Вегаста өткен жекпе-жек 12 раундтан тұрды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.
Сондай-ақ, кейінірек жекпе-жектің толық видеосы жарияланды. Сонымен қатар, Спорттық комиссия басшысы "Канелоның" пайдасына дауыс берген төрешіні шеттетті.
Жарнама