WBA тұжырымы бойынша бұрынғы әлем чемпионы Орзубек Назаров Vesti.kz сайтына берген сұхбатында Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) мен мексикалық Сауль "Канело" Альварес жекпе-жегі туралы пікір білдірді.
"Жекпе-жекке ризамын, алайда төрешілер қателесті. 115:113 деген баға ең дұрысы. Геннадийдң пайдасына шешілгені дұрыс болар еді. Жекпе-жектен ләззат алдым. Олар мықты боксшылар", - деді бұрынғы чемпион.
Қырғызстандық кәсіпқой боксшы Назаров (26-1, 19 КО) жеңіл салмақта WBA тұжырымы бойынша 1993-1998 жылдары аралығында әлем чемпионы атанды.
Айта кетейік, Лас-Вегаста өткен жекпе-жек 12 раундтан тұрды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.
Сондай-ақ, кейінірек жекпе-жектің толық видеосы жарияланды. Сонымен қатар, Спорттық комиссия басшысы "Канелоның" пайдасына дауыс берген төрешіні шеттетті.
Жарнама